السلام عليكم و رحمة الله و بركاته
لي مدة طويلة حيل عن التدوين و من زمان م دخلت المدونة تكاسلت عنها شوي او انا بطبعي التأجيل =)) المهم ان شاء الله راح يتغير النمط الحين و كل اسبوع ب اذن الله راح يكون فيه تدوينه , ريفيو او سوالف او مقالة بما اني احب الكتابة ف راح ارجع باذن الله اكتب مقالات بالمدونة , بنات اذا انتو قاعد تستفيدون مني ف قولولي تحت ترا افرح ب هالشئ حيييل ..
اليوم راح اسوي ريفيو عن foundation dior star & مزيل ميك اب لوريال :
انا مو عادتي اشتري شي م شفت عليه ريفيو لكن هالفونديشن شريته و الريفيوز كانوا عنه قليله, لان صارت عندي مناسبه و ابي فاونديشن اسرع سريع بما ان بشرتي جافه خذيته لان اللوك ماله ديوي و للبشره الجافه ,
الفونديشين حيل حبيه الكفر ماله عالي و خفيف كل م كثرتي الطبقات صار فل كفر و لونق وير م يتاكسد و لا يقلب لونه اخليه اكثر من 7 ساعات وحده جميل , مصصم خصيصا لتصوير الاستيديوات و يتحمل الاضاءة العاليه ف يصلح لكل المناسبات و الاضاءة العالية , م يتكتل و ملمسه مخملي ع البشره و خفيف عليها م تحسين ان وجهج ثقيل او فيه طبقه يندمج على طول مع البشره فيه نسبت حمايه بس م اثرت ابدا على لونه في الاضاءه , درجته ! انا سالفتي مع اللون سالفة بشرتي بيضه مايله للصفار اوك ؟ و م احب احط فونديشن نفس لون بشرتي احب اغمج ! انا بطبيعتي احب جذي جربت على وجهي درجة 22 و الي اغمج منها الغامجه مو حلوه م عطت وجهي نضارة اما درجة 22 حيل حبيتها و عطتني نظارة حلوه اول مره استخدمته خلطته مع فاونديشن ديور برونز شوي بس يوم رحت الحفلة و مع الاضاءة حسيته غامج بس بعدين صرت احط ديور ستار لحاله .
قبل لا احطه احرص اني اغسل بشرتي ب غسول تالي احط مرطب بعدين برايمر بعدين اوزع الفاونديشن ب ايدي , بعده ابلل اسفنجة ريل تكنيك و اطبب ي دلع ع الفاونديشن و ادمجه , احط كوريكتر برتقالي حوالين الشفايف لان صاير عندي تصبغات ب هالمنطقة ف يقلب اللون بدون كوركتير ف ادمجه و يطلع بيرفكت بيرفكت ^_^ .
هذا سواتش من النت لدرجاته ,,
اماكن تواجده ب هارفي نكلز و سيفورا و دبنهامز سعره 19 و نص دك
مزيل ميكب لوريال الاحمر للوجه كامل و الازرق للعين عجيبين حيل و م يدهنون و بسرعه ينمسح معاج الايلاينر , و ينظف الوجه و م يبقى اثر للميكب احبهم حيل و بديل حلو لبيودرما و رخيص .
اماكن تواجد بالجمعيات و السوبرماؤكت و الصيدلية
اتمنى عجبتكم التدوينه , استقبل ارائكم ب الانستقرام
على اكاونتي @gieed_blog
اتمنى انكم تكونون دائما سعيدين ..
ب حفظ الرحمن .
فاونديشن ديور ستار شكثر شفتهم يمدحونه ماجاني الحماس اجربه مكتفيه ب استي لودر دبل وير لاني مااستخدم فاونديشن قليييل جدا اكثر شي بي بي كريم :) وحبيت المزيل بروح اشتريه
ردحذفانا نفسج استخدمه للمناسبات و عكس م حبيت استيلودر لانه ثقيل على وجهي ، و المزيل جميل حيل اسعدتيني بتعليقج 😍
حذفمن زمان كنت ادور على فاونديشن بهالمواصفات والى الان ماحصلت فاوندشن يعطي فل كفر حلو ! لان الهالات و الكلف لاعبه بوجهي ولازم اخلط اكثر من كريم عشان يعطي نتيجه قويه تغطي الحاقات الوحشه �� يارب القاه .
ردحذفمشكورة والله يعطيك العافيه ❤️
العفو و يعافيك ربي م راح ينفعج اي فاونديشن حتى لو فل كفر بدون الكوركتر ، الكوركتر برتقالي تحطينه ع اماكن الهالات و الكفر و فوقه الفاونديشن و م رلح يبينون كلش ، نورتيني ♡
حذفمزيل الميك آب رووووووعه عن تجربه ❤️ فعلاً
ردحذفححيل ♡
حذفمن زمان حابة اجرب مزيلات المكياج من لوريال حمستيني عليها الصراحة
ردحذفو بالنسبة للفاونديشن ان شاء الله يا رب الاقي لوني
يعطيكي العافية الريفيو حمسني على هالمنتجات ❤️
جربيها راح تعجبج و ان شاء الله تلقين درجتج و يعافيج ربي ♡♡
حذف