السلام عليكم و رحمة الله و بركاته ♡

لي فترة عن المدونة اشتقت لها حيل♡♡ 

اليوم راح أتكلم عن عنايتي الليلة الي لي تقريبا 5 شهور ملتزمه فيها و في شغلات جديدة راح اقولها تحت ..

اول بقوول انا والله والله مو دكتورة جلدية بس انا وحده على كثر م فريت على دكاتره جلدية عرفت لنفسي عدل صحيح م وصلت للبشرة الي اتمناها الي فيها نضارة و موحدة بس ان شاءالله اني بالطريق لها و بعد مو شرط كل بلوقر بشرتها صافيه و متوحده و انها ملكة جمال نوو احنا عادي ناس طبيعيين نسعى للكمال و لكن الكمال لله .

اول شي بتكلم عن هالمجموعة من qv ، غسول + مرطب للوجه + مرطب لتحت العين

هالمجموعة أتعب و انا اقوول احبهها لانها ناسبتني و انا بشرتي جافه و حساسة و حيل مرتاحه عليها .

قبل لا انام اغسل فيسي ب الغسول و اسوي سنفرة يوم و ترك

 تالي احط هالسيروم لتحت العين واصفه لي دكتور جلدية للهالات و الله هالسيرووم حلوو حيل بس يبي معاه نوم صحي كنت استعمله وقت الدووامات حيل فرق معاي بس الحين مع السهر م ينفع  ):  ، بعدين احط مرطب لتحت العين من qv الصغير الي صورته فوق .

بعدين ارطب وجهي كله ب بيبانثين الي فيه خط وردي لانه ثقيل شوي و هم ارطب فيه شفايفي , حيل يرطبهم و يغذيهم .

بعدين هالكريم من لوريال للشفايف تكلمت عنه بالانستقرام يعطي فلر و فوفوليوم للشفايف و يرطبها صج تحسين ان شفايفج شفايف انثى ناعمه و وردية ♡.♡ 

و هذي خلطة دلع او خلطة حيادر للرموش تكثفها و تطولها و هم تعطينها على طرف فروة الراس يطلع بيبي هير مع الاستمرار .

و هذا مقوي الاظافر هم تكلمت عن بالانستقرام في تاق مدونة كرستال غير اظافري حيل الحمدلله و ماشاءالله صاروا اقوى و صحيين اكثر و م يتكسرون طالبته من الانستقرام طبعا ♡

اخخيرا و ليس اخرا هالكريمات استخدمها للاثار و الحبوب الخفيفة مدحوها كثير دكاترة و االي فيه خط برتقالي امن للحامل و المرضع و البنت و كل الناس انا كل يوم احط واحد منهم و اذا احس بشرتي التهبت اريح منهم يوم و ارد بعدين استخدمهم .

الحمدلله على هالخطوات احس بشرتي شوي شوي قاعد تتحسن و ماشاءالله صارت شبه صافية و خفت الاثار .

اتمنى البوست يكون خفيف عليكم و تكونون حبيتوه و استفدتوا منه ♡ 

اي سؤال او استفسار حياكم على الانستقرام

 @gieed_blog 

كونوا دائماا بخير ♡