السلام عليكم و رحمة الله و بركاته ♡♡
اليوم راح يكون البوست عن مشتريااتي من موقع iherb
طلبت من الموقع و شحنتهم على dhl للاسف شحن فاشل جدا اخذوا مني 30 على التبريد و هالسوالف لان وقفوهم الجمارك و انعرضوا عالصحه وصلتني شي مكسور و زبدة الكاكاو مفتوحه و مخدوشه من داخل , مادري شسالفه هالشركة م تكلمت او اشتكيت لان تعبت و انا انطر الشحنه و اراكض ب اوراقها ف لما وصلتني خلاص م ابي شي =))
، بالنسبه لاول طلبيه بالنت م توفقت بالاختيار كان في شغلات كثيره بالموقع م كنت ادري عنها و في شغلات كنت حاطتها بالباسكت و م وصلت (: بس نتفادى الاخطاء ان شاءالله المره الجايه =)) .
اول شي طلبيتي هذي كانت كلها عشان ابدي عناية بشعري لانه صاير ناشف + تالف زياادة ): .
أول شي طلبته زبدة الشيا و زبدة الكاكاو استخداماتهم و فوائدهم كثيرة للجسم و الشعر ترطيب + علاج مشاكل التشققات بالجسم دوروا بالنت تلقون استخدامات لا تعد و لا تحصى .
على كلام دكتور جلدية و بلوقر اجنبيه باليوتيوب ان هالزيوت افضل شي للشعر الي هم زيت اللوز و زيت الخروع .
زيت جوز الهند العضوي صافي بدون اي اضافات جربته من اول مره جميل جميل جميل صج رطب شعري حيل و حبيته و الي معاه زيت السمسم مفيد للشعر الناشف .
زيت الاركان من كثر م سمعت عن فوايده انجنيت عشان احصل عليه طلبت 2 بس الي وصلني منهم 1 مفيد للبشره و الشعر حيل زيت الافوكادو و الجوجوبا هم عليهم مدح بلوقرز كثير و قيد التجربة .
بشكل العام تجربتي زوينة لو ان م وصلت بشكل جيد و صارت لي سالفه بالصحه و الشحن بس ممكن تتكرر بس بشركة شحن ثانيه =)) .
الزيوت كلهم اورقانيك يصلحون للبشره و الشعر فوائدهم كثيره لانهم نقيين و م فيهم اي اضافات خذيتهم على مدح بلوقر عرب و اجانب احجامهم غير عن الموقع بالموقع اكبر و بعد بحث و تحري عن فوائدهم سويت منهم مجموعه تحت التجربة بس القى نتايج ب اذن الله راح اقولكم ♡
اتمنى انكم حبيتوا التدوينه و استفدتوا من تجربتي البسيطة
كونوا دائما بخير ¤
مع السلامة ♡♡
