السلام عليكم و رحمة الله و بركاته
شلونكم ي حلوين ؟
اتمنى تكونون ب أطيب حال يارب
تدوينتي اليوم عن رحلتي الطويلة جدا جدا مع حب الشباب و شلون قدرت انتصر عليه
بالبداية طلع فيني حب الشباب لما كنت 14 سنة بدايته كانت خفيفه حال حال البنات الي ب هالعمر ؛ م فكرت اني اعالجه و لا امي فكرت تعالجه لي كذلك لما وصلت 15 الكل لاحظ زيادة الحبوب و قاموا يقولون عالجي عالجي و توكلت على الله و رحت مستشفى حكومي سنة و نص راجعت عنده و بس يعطيني مضادات !! لعبت فيني هالمضادات حيل حيل و وقفت العلاج لاني مو قاعد احصل نتيجة ابد !
لما وصلت 17 كبرت و عرفت اهمية ان البنت لازم تهتم ب نفسها و بشرتها و هيك و ققلت خلاص ستوب !! لازم هالحبوب توقف عند حدها و ادق و احجز ب دار الشفا عند استشاري و اشيل قشي انا و امي و نروح له ؛ كنت حاطه املي كله فيه و رحت له و قال الحبوب م لها علاقة ب انواع الاكل و مالها علاقه بالكاكاو قلت شلون و انا قبل مانعيني من كل شي !! قال لا اسمعي نصايحي بعد 18 تتعدل بشرتج و تنضبط هرموناتج قلت ماشي وصف لي مضاد نوعية قوية و سببت لي جفاف و استمريت ب امل ان عقدة الحبوب تختفي و اوصل للبشره الي احلم فيها كل يوم بعد شهر رديت له و وصف لي نفس العلاج و الحبوب خفت شوي ع الشهر الثالث دقيت ابي احجز موعد عنده قال دكتورج طلع من المستشفى امبيه الحين شلون مع منو اكمل العلاج و رديت و قطعته يوم كملت 18 و خلاص انا الحين خريجة وراي جامعه و كشخة بنات و تحدي قمت استفسر و اسال ب قوقل رفيجاتي ب كل مكان عند دكتور او دكتورة زينة بدار الشفا لان ملفي عندهم خلاص قالوا لي و رحت حجزت عندها و كان شهر 6 الي طاف وصفت لي اول مره روكاتين 10 جرام لمدة شهرين بس وقعتني على تعهد اني م احمل قلت انا مو متزوجه اصلا قالت م اضمن انج م تجيني بعد شهرين متزوجة ّ!! الوكاد سويت تحاليل دم شاملة و تحاليل وظائف الكبد و هالتحاليل شهرية ، بعد شهرين زات لي الجرعهه صارت 20 حصلت لي ظروف و وقفت العلاج بعد 3 شهور و رديت شهر 1 و كملته لي شهر 3 على نفس الجرعه + وصفت لي كريمين اخلطهم مع بعض للاثار احطهم لكم ب اخر التدوينة .
فترة العلاج تعانين من جفاف البشرة و الشفايف و العين بشكل كبير لازم توصف قطرة مرطبة للعين و مرطب للشفايف و الوجه و لازم تكثرين حيل حيل من الماي الاثر الجانبي الي م كنت ادري عنه لكن وضح لي خلال فترة العلاج التساقط الي مو طبيعي للشعر لدرجه مقدمة راسي صارت خفيفة حيل و انا شعري كان كثيف حتى اهلي يقولون حرام وقفي العلاج قلت لا ابي اوصل للبشره الي احلم فيها الحمدلله و ماشاءالله الحين عقب شهرين من انتهاء العلاج البشره صافية و خالية من الحبوب تماما و الاثار خفيفة الحمدلله بس صفاء البشرة ححده يونس و شعري الحين ببلش له كورس تكثيف احاول ارد الي طاح و ان شاء الله يتحسن .
كريم الاثار م نفع لبشرتي ف غيرت الدكتورة و رحت لعيادة ثانية افكر اسوي عندهم ليزر للاثار مع ان الاثار مو واضحه حيل بس فيني هووس مو طبيعي .
هذيلا الكريمين :
دكتورتي نورجيهان ب دار الشفا
فتح ملف + زيارة ب 25
باقي الزيارات كل زيارة 20
العلاج
روكاتين 10 جرام ب 19.750 دينار
20 جرام ب 33.500 دينار
لا تنسوا تشتركون ب المدونة اذا عجبتكم
و تابعوني على الانستقرام gieed.blog@
مع السلامة
