السلام عليكم و رحمة الله و بركاته ♡
شلونكم ؟
عسى دوووم تكونون ب صحة و عافية ،
 |
اليوم راح اتكلم عن بيبي كريم #استيلودر ، اول شي شنو هو البيبي كريم , البيبي كريم هو كريم ملون و مرطب و فيه نسبة حماية غالبا يستخدم ب الطلعات الصباحية و الخفيفة م يستخدم في التصوير و الاماكن الي اضائتها عالية لان مع الاضاءة يقلب لونه , هالبيبي كريم مدحته لي اختي كانت زايرتنا و قالت لي جربيه حلوو و خفيف جربته حيل حيل عجبني ملمسه ناعم و خفيف ع البشره م احسه يدبق مثل مال ريميل ريميل ثقيل ثقيل حيل احسه يغمت البشرة درجة اختي كانت لايت و حلوه علي بس انا فيني هالات ف اخترت الدرجه الاغمج حسيته ب يلبق علي اكثر ، هو في منه درجتين اصلا ، يوم رحت اشتريه احترت في الدرجتين ف خذيت عينتين منهم و رديت البيت جربتهم اثنينهم و استشرت امي و رحت ثاني يوم و خذيته ، انا استخدمه للجامعه و الزوارات الخفيفه حيل حيل حلو كل من شافه قال لا تغيرينه صج لابق عليج ، اول شي هم كاتبين ان يعالج البشره و يعطيها نضارره و فيه احماض فواكه و فيه مضادات اكسدة و هيك طبعا كله كلام دعايات فقط عرضته على دكتور جلديه و قال م منه فايدة علاجية هو ملون فقد و يعطي تغطيه للبشرة طبعا هو م ينحط حوالين العين ، انا اغسل بشرتي ب غسول qv و ارطبها ب مرطب من نفس الماركة و مرطب لحوالين العين انطر شوي بعدين اوزعه ب اصابعي بعدين احط كوركتر على الهالات من فورايفر و بعدين احط الكونسيلر تغطية مو فل كفر يصلح للي عندها اثار بسيطة لانه م يغطي حيل انا بشرتي جافة و حساسه و حيل ناسبني و م حسس لي و حيل حبيته و مستحيل اتركه .
هذا سواتش للدرجتين من النت
تلقونه ب فافافوم او دبنهامز
خذيته ب 19.250 دينار
اتمنى ان فادكم هالبوست ♡
تابعوني على الانستقرام
@gieed.blog
ليست هناك تعليقات:
إرسال تعليق